ഒരു പുസ്തകമെഴുതുക.
അത് പ്രസിദ്ധീകരിക്കുക.
അത് പ്രസിദ്ധീകരിക്കുക.
കുട്ടിക്കാലത്തെ ഏറ്റവും വലിയ സ്വപ്നങ്ങളിലൊന്നായിരുന്നു അത്.
ചിലപ്പോള് പത്രത്താളുകളില് കുഞ്ഞെഴുത്തുകാരുടെ കൃതികളെക്കുറിച്ചുള്ള സ്പെഷ്യല് ഫീച്ചറുകള് വരുമ്പോള് അസൂയയോടെ നോക്കിനില്ക്കുമായിരുന്നു. പലപ്പോഴും ഈ അസൂയ ഈര്ഷ്യയിലേക്കും ദേഷ്യത്തിലേക്കും നയിക്കുകയും പിന്നെ അര്ധരാത്രി എല്ലാവരും ഉറങ്ങിക്കിടക്കുമ്പോള് ദൈവത്തോട് വാചകമേള നടത്തുന്നിടം വരെ എത്തുകയും ചെയ്യും.
ചിലപ്പോള് പത്രത്താളുകളില് കുഞ്ഞെഴുത്തുകാരുടെ കൃതികളെക്കുറിച്ചുള്ള സ്പെഷ്യല് ഫീച്ചറുകള് വരുമ്പോള് അസൂയയോടെ നോക്കിനില്ക്കുമായിരുന്നു. പലപ്പോഴും ഈ അസൂയ ഈര്ഷ്യയിലേക്കും ദേഷ്യത്തിലേക്കും നയിക്കുകയും പിന്നെ അര്ധരാത്രി എല്ലാവരും ഉറങ്ങിക്കിടക്കുമ്പോള് ദൈവത്തോട് വാചകമേള നടത്തുന്നിടം വരെ എത്തുകയും ചെയ്യും.
അത്തരം വാചകമേളകളുടെയും ചിന്തകളുടേയും സമാഹാരമായി വേണമെങ്കില് ഈ പുസ്തകത്തെ വിളിക്കാം. ഈ കുറിപ്പുകളില് അസൂയയുണ്ട്, ദു:ഖങ്ങളുണ്ട്, വേദനകളുണ്ട്, ദുരഭിമാനങ്ങളുണ്ട്, സന്തോഷങ്ങളുമുണ്ട്.
നന്മയും തിന്മയുമെല്ലാമുണ്ട്.
പലപ്പോഴായി ഒരു ഡയറിക്കുറിപ്പു പോലെ എഴുതിയ ഏതാനും കുറിപ്പുകള്.
പലപ്പോഴായി ഒരു ഡയറിക്കുറിപ്പു പോലെ എഴുതിയ ഏതാനും കുറിപ്പുകള്.
ഇത് കഥകളോ ഓര്മകളോ അല്ല, ഏതാനും തോന്നലുകളുടെ എഴുത്തുരൂപം.
വെറുതെയിരിക്കുമ്പോഴെല്ലാം, ചിന്തകളുടെ വേലിയേറ്റത്തില് പലപ്പോഴും തോന്നിയിട്ടുണ്ട്, ഒരു ആര്ടിക് ടേണ് ആയി രൂപാന്തരപ്പെട്ടാലെന്ന്. അങ്ങനെയെങ്കില് ഒരു ഇടവേളയ്ക്കെങ്കിലും മരിച്ചതു പോലെ പിരിഞ്ഞ് വീണ്ടും അപ്രതീക്ഷിതമായി തിരിച്ചെത്താമല്ലോ, പ്രിയപ്പെട്ടവരുടെ അടുത്തേക്ക് തന്നെ. ഒരുപക്ഷേ, അത്തരം ചിന്തകളാകാം ഈ എഴുത്തിനു പ്രേരകം.
വെറുതെയിരിക്കുമ്പോഴെല്ലാം, ചിന്തകളുടെ വേലിയേറ്റത്തില് പലപ്പോഴും തോന്നിയിട്ടുണ്ട്, ഒരു ആര്ടിക് ടേണ് ആയി രൂപാന്തരപ്പെട്ടാലെന്ന്. അങ്ങനെയെങ്കില് ഒരു ഇടവേളയ്ക്കെങ്കിലും മരിച്ചതു പോലെ പിരിഞ്ഞ് വീണ്ടും അപ്രതീക്ഷിതമായി തിരിച്ചെത്താമല്ലോ, പ്രിയപ്പെട്ടവരുടെ അടുത്തേക്ക് തന്നെ. ഒരുപക്ഷേ, അത്തരം ചിന്തകളാകാം ഈ എഴുത്തിനു പ്രേരകം.
ഇഷ്ടപ്പെട്ടവരെക്കുറിച്ചും മനസിലെപ്പോഴൊക്കെയോ കൂടു കൂട്ടിയവരെക്കുറിച്ചും ചിന്തകള്ക്ക് കടിഞ്ഞാണില്ലാത്ത അവസ്ഥകളെക്കുറിച്ചുമല്ലാം കുറിച്ചിട്ടുണ്ട്. ഒരുപക്ഷേ, എന്നെങ്കിലുമൊരിക്കല് എഴുത്തിനു പൂര്ണവിരാമമിടുമ്പോള് ഒരു വിടവാങ്ങല് കുറിപ്പായി, പുസ്തകമായി പ്രസിദ്ധീകരിക്കണമെന്ന് ആഗ്രഹിച്ച തോന്നലുകളുടെ സമാഹാരമാണ് എന്റെ ഷെര്ലക് ഹോംസ് ഭാവാഭിനയങ്ങള്.
ഇവയൊക്കെയും വായിച്ചും അറിഞ്ഞും എഴുത്തുരീതികളെക്കുറിച്ചു കൃത്യമായി നിരൂപിച്ചും ആമുഖക്കുറിപ്പുകള് നല്കിയ പ്രിയപ്പെട്ട ബി ചന്ദ്രമതി, ഗ്രാന്ഡ്മാസ്റ്റര് ജി എസ് പ്രദീപ്, എബ്രിഡ് ഷൈന്, വി പി റജീന, വിനോദ് മേക്കോത്ത്, രാഹുല് രാജ്, കെ സി ബിപിന്, നവീന് ഭാസ്ക്കര്, എം കുഞ്ഞാപ്പ, അനീസ് കെ എം, ബിപിന് ചന്ദ്രന്, മോന്സി ജോസഫ് എന്നിവര്ക്കും ഒപ്പം ഓരോ തോന്നലുകള്ക്കും ഉചിതമായ ചിത്രങ്ങള് വരച്ച എം പി മനീഷിനും ഹൃദയപൂര്വം നന്ദി രേഖപ്പെടുത്തുന്നു,
ഈ എഴുത്ത് സ്വീകരിക്കുക, സ്നേഹപൂര്വം.
